Ihobe

ERRONKA

IHOBE Sozietate Publikoa bere komunikazio-prozesuen eta antolatuta zeukan komunikazio-ekosistemaren eraginkortasunari buruzko haurnarketa-prozesuan murgilduta zegoen, bereziki web kanalari dagokionez. Hausnarketa horren barruan, web-ekosistema komunikazio eta zabalkundearen arloko prozesu eta dinamikak eraldatzeko oinarrietakotzat –ez oinarri bakartzat– birdefinitzeko premia aztertu zen.

SOLUZIOA

Ihoberen web plataformaren indar eta ahulguneen azterketa eta diagnostiko sakona egiteari ekin genion, edukien hierarkizazioari eta antolaketari erreparatuta, eta aurreko webguneak zeukan informazio mordo ikaragarria birdimentsionatzeko aukera aztertu genuen. Aldi berean, erabiltzaileari zuzendutako webgune berria planteatu zen, IHOBEren politika publikoek, Eusko Jaurlaritzako Ingurumen Sailaren menpeko sozietate publiko den aldetik, industria-sareari, eremu instituzionalari nahi gizarte osoari eragiten dizkieten onurak nabarmenduz.

Horren harira, webgune berriak dinamikoagoa eta bisualagoa izan behar zuen, komunikazio digitalaren modu berrietara egokitua, eduki dinamiko eta adiskidetsuaren aldekoa, erabiltzaileari eta nabigazioaren esperientziari zuzendutakoa.

Hauexek ziren webgune berriaren helburuak:

• Erabiltzaileei informazioa era erraz eta adiskidetsuan eskuratzeko aukera eskaintzea
• Webguneko edukiak berrantolatzea informazioaren arkitektura berri baten bitartez
• Webgune malguagoa izatea, eduki berrietara errazago molda daitekeena
• Webguneari irudi grafiko erakargarriagoa eta bisualagoa ematea
• IHOBEren ataria berezko komunikabide bihurtzea
• Webguneko edukien estrategia osoa erabiltzaileei zuzenduta berrorientatzea